Royal Solomon Aelans Police talem bae hem givim $100,000 (reward) fo eni wan wea kamap wetem gud stori follom sutsut an bonebone lo Mbike Aelan lo namba 9 Desemba 2014.
Lo namba 9 Desemba 2014 olketa man attackem nao boat Sun Express lo Mbike aelan, Central Provence. Olketa man ia firem nao staka bullet lo boat ia an afta puarem petrol lo boat, olketa bonem wetem faea. Long taem blo sutsut ia, three (3) fala wakaman blo boat Sun Express ia nao stap insaed boat ia wetem 17 fala niu memba blo (Parliament) Govman lo Mbike aelan.
Waka tugetha blo iumi evriwan nao olketa laekem fo findem out an fo luk save lo olketa man wea duim sutsut an bonebone lo namba 9 Desemba 2014.
Wanfala paybaek (reward) wea hemi kasem $100,000 nao Commissioner blo Police bae peim go lo eniwan wea hem givim gud stori fo holem an fo mekem olketa man wea sutsut an bonebone ia fo go lo court fo facim wanem olketa duim rong.
Fo save blong iumi: Hem barava rong tumas sapos iu givim laea stori long polis. Dis wan hemi lo law 187 long Polis Act 2013 an iu save go lo kot an peim faen long $10,000-00 or go long peresin fo 1 yia or tufala evriwan.
Fo eni stori callem paybaek laen long 20371 melewan 8:00am (mone) an 8:00pm (nite).
See www.rsipf.gov.sb for more information